HRW: Prezida wa Gambia nafatirwe ibihano

  • 2 Ukw’icumi na rimwe 2016
Yahya Jammeh ari ku butegetsi kuva mu 1994 Uwufise ububasha kw’isanamu AFP
Image caption Yahya Jammeh ari ku butegetsi kuva mu 1994

Ishirahamwe mpuzamakungu riharanira agateka ka zina muntu, Human Right Watch, ryahamagariye amakungu gutera igitsure cane prezida wa Gambia, Yahya Jammeh.

Iryo shirahamwe rivuga ko uwo mukuru w’igihugu acura bufuni na buhoro abo batavuga rumwe mu gihe himirije amatora y’umukuru w’igihugu mu kwezi kuza.

Mu cegeranyo gishasha, iryo shirahamwe rivuga ko abatavuga rumwe na reta babiri bapfiriye mw’ibohero abandi benshi bakaba bagipfunzwe, batagira ababavura co kimwe n’abababuranira.

HRW bateye akamo ibihugu bibanyi vya Gambia n’ubumwe bwa Buraya hamwe na Amerika kugira ico bakoze.

Iryo shirahamwe rishaka ko uwo mukuru w’igihugu hamwe n’abo bakorana bafatirwa ibihano vyo kubabuza gusohoka igihugu hamwe no gufatira amatungo yabo gushika aho ibintu bizosubira mu buryo.

Uwufise ububasha kw’isanamu AFP
Image caption Abatavuga rumwe na reta bari mu myiyerekano mu ntango z'uyu mwaka

Basaba kandi koi co gihugu cirukanwa mw’ishirahamwe rihurikiyemwo ibihugu vyo muri ako karere.

Prezida Jammeh ari ku butegetsi kuva mu 1994.