Icyegeranyo kuri ruswa muri leta ya Afurika yepfo

Jacob Zuma Uwufise ububasha kw’isanamu AFP

Icyegeranyo ku bivugwa ko Perezida wa Afurika yepfo, Jacob Zuma, yakoranye mu buryo bunyuranije n'amategeko n'umuryango Gupta ubarirwa mu miryango ikize cyane muri icyo gihugu, cyabonye ibintu bishobora kuba ari ibimenyetso bya ruswa mu rwego rwo hejuru muri leta.

Icyo cyegeranyo cyari kimaze igihe kirekire gitegerejwe cyasabye Perezida Zuma ko yagombye gushyiraho mu minsi itarenze 30 akanama ko mu rwego rw'ubutabera ko kubikoraho iperereza.

Icyo cyegeranyo cy'impapuro 350 gikubiyemo ibirego bikomeye.

Nk'urugero, uwungirije ministri w'imali ngo yavuze ko umuntu wo mu muryango w'abaherwe wa Gupta yamwemereye amadolari arenga miliyoni 40 kugirango yemere umwanya wa ministri w'imali.

Kubishyura, ngo yagombaga guteza imbere inyungu z'uwo muryango mu rwego rw'ubucuruzi.

Uwufise ububasha kw’isanamu Gallo images
Image caption Umuhungu wa Jacob Zuma - Duduzane (iburyo) yakoranaga mu bucuruzi n'umuryango wa Gupta

Perezida Zuma yakize kenshi inkuru z'agahomamunwa zirimo ruswa yatungwagamo agatoki mu gihe cyashize.

Abantu bakomeye mu ishyaka riri ku butegetsi rya ANC batangiye kumurwanya.

Ariko rero birashoboka cyane ko iki cyegeranyo ntacyo kizabamarira kugirango abe aricyo kimuvana ku butegetsi.