Amatora y'umukuru w'igihugu muri Amerika
Ahavuye isanamu, Getty Images
Abari ku murongo bategereje gutora muri Missouri
Muri Leta zunze ubumwe za Amerika bazindukiye mu matora y'umukuru w'igihugu. Hillary Clinton wo mu ishyaka ry'abademokarate ahanganye na Donald Trump wo mu ishyaka ry'aba Republican.
Umunyamakuru wa BBC uri muri leta ya Virginia mu burasirazuba bw'icyo gihugu aravuga ko hari imirongo miremire y'abaje gutora kandi ngo byitezwe ko abaza kuyitabira aza kuba ari benshi cyane.
Ahavuye isanamu, Getty Images
Abari ku murongo bategereje gutora i Brooklyn i New York
Aho ibintu bishobora kuba biganisha biraza kumenyekana hafi isaa sita z'ijoro ku isaha mpuzamahanga ya GMT hasigaye amasaha ane ngo ibiro by'amatora bifunge mu maleta ari mu burengerazuba bw'icyo gihugu.
Ibipimo by'amajwi mbere y'amatora byerekanaga ko Hillary Clinton ari imbere ya Donald Trump ho amajwi ane ku ijana.
Donald Trump yatoreye mu mujyi wa New York
Muri Amerika kandi baranatora abadepite n'abasenateri. Intebe zose zo mu nteko nshingamategeko zirahatanirwa mu gihe muri sena ho ari kimwe cya gatatu cy'intebe gihatanirwa.
Hillary Clinton yatoreye muri Leta ya New
Ari inteko nshingamategeko ari na sena byose biri mu maboko y'ishyaka ry'aba Republicain.