Trump yemeye kwishyura abamurega miliyoni 25 z'amadolari

Donald Trump ateze amatwi igihe Michael Sexton yavugaga ku itangizwa rya Kaminuza ya Trump muri 2005 Uwufise ububasha kw’isanamu AP
Image caption Donald Trump ateze amatwi igihe Michael Sexton yavugaga ku itangizwa rya Kaminuza ya Trump muri 2005

Umushinjachaha mukuru wa New York yavuze ko Donald Trump yemeye gutanga miliyoni 25 z'amadolari yishyura abantu batatu bamureze mu nkiko kubera kutishimira amasomo bahawe muri Trump university.

Donald Trump watowe kuba perezida wa Amerika yaregwaga n'abahoze ari abanyeshuri bishyuye 35.000 by'amadolari kugira ngo babaone amabanga yo guhirwa, mu nyigisho zatangwaga n'abigisha yitoranyirije ubwe.

Bwana Trump yari yararahiye ko atazemera kumvikana n'abamureze.

Umushinjacyaha mukuru Eric Schneiderman yavuze ko kwemera gutanga ayo mafaranga ari ukwivuguruza gukomeye kwa Bwana Trump ndetse ari n'intsinzi ku bamureze.

Uwufise ububasha kw’isanamu Reuters
Image caption Jeff Sessions, ibumoso, ashyigikiye Bwana Trump bidasanzwe ku mugambi we wo kubaka urukuta rutandukanya umupaka wa Mexique na Amerika

Ariko umunyamatego wunganira Bwana Trump, Daniel Petrocelli yavuze ko uwo yunganira yanyuzwe n'uko ikibazo cyacyemutse agira ati: " yari yiteguye kwitangira inyungu ze bwite, akarangiza ikibazo, akareba imbere".

Uyu muherwe w'umunyemali yashinjwaga ibirego bitatau bya magendu birebana n'uko yashutse abanyeshuli akananirwa no kubaha ibyo yari yarabasezeranyije muri leta ya California na New York.

Urubanza rumwe mu zo yaregwaga rwari rutegerejwe gutangira i San Diego ku itariki ya 28 z'ukwa 11, n'ubwo abanyamategeko ba Bwana Trump bagerageje kurukerereza.

Bwana Schneiderman, Trump yibasiye avuga ko "nta muntu umurimo", yari yasabye miliyoni 40 z'amadolari kubera ibirego bya kaminuza ye yafunze muri 2010.

Yavuze ko Trump University yari "magendu kuva yatangira kugeza ku musozo" mu kwa Karindwi, yongeraho ko iyi kaminuza yakoresheje "amasezerano abeshya kugira ngo yigarurire abantu bari bageramiwe".

Umucamanza Gonzalo Curiel, ukuriye inteko iburanisha ibirego bibiri muri California yari amaze igihe ashishikariza impande zombi kumvikanira hanze y'urukiko.

Uwufise ububasha kw’isanamu AFP
Image caption Jenerali wavuye mu ngabo, Michael Flynn, azaba umujyanama wa Bwana Trump mu rwego rw'umutekano