Viurusi ya Zika 'ntikiri indwara yihutirwa'-OMS

Virusi ya Zika yateye ubusembwa bwo kuvukana imitwe mito n'ubwonko butameze neza Uwufise ububasha kw’isanamu EPA
Image caption Virusi ya Zika yateye ubusembwa bwo kuvukana imitwe mito n'ubwonko butameze neza

Ishami ry'Umuryango w'Abibumbye rishinzwe ubuzima, OMS, ryatangaje ko virusi itera indwara ya Zika itazongera kuvurwa nk'icyorezo mpuzamahanga.

Gutangaza ibi nyuma y'amezi icyenda, OMS yemeye ko iyi ndwara izagumaho.

Ubwandu bwayo bwahujwe n'ubusembwa bw'impinja zivuka zitameze neza mu bihugu bigera kuri 30.

Ubu busembwa burimo ubwonko butameze neza ndetse n'umutwe muto cyane ku buryo buri hasi y'urugero rwemewe.

OMS ivuga ko muri Brezil honyine habonetse ubwandu burenga 2.100.

N'ubwo ahanini iyi virusi yanduzwa n'umubu, ariko ishobora no kwandurira mu mibonano mpuzabitsinda.

Abantu bacye i bo bicwa na Zika kandi umuntu umwe muri batanu banduye ni we ugaragaza ibimenyetso. Ibi bishobora kugaragara mu buryo bw'umuriro, gupfuruta n'ububabare mu ngingo.

Dr David Heymann, ukuriye komite yita ku ndwara zihutirwa muri OMS, zirimo na Zika, avuga ko igiteye impungenge zikomeye.

OMS igiye guhindura uburyo yavuraga iyi ndwaa noneho yite ku buryo bw'igihe kirekire kuri iyi ndwara yasakaye muri Amerika y'Epfo, Karayibe (Caribbean) n'ahandi.

Zika yavuye he?

Yavumbuwe bwa mbere mu nkende muri Uganda mu 1947. Umuntu wa mbere wagaragayeho ubwandu yari muri Nijeriya mu 1954 kandi no muri Afurika, Aziya y'Amajyepfo n'ibirwa bya Pasifike.

Ubwandu bwinshi ntibwari bukanganye kandi Zika ntiyigeze ifatwa nk'inkenke ikomereye ubuzima bwa muntu.

Ariko mu kwa Gatanu 2015 yagaragaye muri Brezil ndetse kuva icyo gihe yarakwirakwiye cyane kandi vuba.