Kamarampaka mu Butaliyani

Matteo Renzi Uwufise ububasha kw’isanamu EPA
Image caption Minisitri w'intebe Matteo Renzi ashaka ko abaturage batora YEGO.

Mu Butaliyani bazindukiye mu matora ya kamarampaka ku itegeko nshinga yahamagajwe na minisitiri w'intebe, Matteo Renzi.

Amahinduka yagabanya ububasha bwa sena ariko leta ikongererwa ububasha.

Bwana Renzi yarangije kuvuga ko azegura abaturage nibadatora iyo kamarampaka.

Ibindi bihugu byo mu muryango w'ubumwe bw'Uburayi bifite ubwoba ko gutora OYA muri iyo kamarampaka byatuma politiki ijegajega muri icyo gihugu kandi n'amabanki yaho agahungabana cyane.

Uwufise ububasha kw’isanamu AFP
Image caption Abashaka OYA barangajwe imbere n'umunyapolitiki Beppe Grillo.

Gutora OYA muri kamarampaka birasabwa cyane n'abanyapolitiki bifuza ko umubano w'Ubutaliyani n'umuryango w'ubumwe bw'Uburayi usubirwamo.

Barangajwe imbere na Beppe Grillo uyoboye umutwe witwa Five Star wamagana ubutegetsi.

Bashaka ko habaho kamarampaka yo kwemeza niba Ubutaliyani bwakomeje gukoresha ifaranga rya Euro.

Ubutaliyani buramutse butoya OYA bwaba bukurikiye kamarampaka yabaye mu Bwongereza mu kwezi kwa gatandatu yatoye kuva mu muryango w'ubumwe bw'Uburayi.

Byaba bijyanye kandi n'izamuka ry'ishyaka rirwanya abimukira rya Front National mu Bufaransa n'andi mashyaka yizeza abaturage ibitangaza mu bindi bihugu.