Assad: Intsinzi mu gisagara ca Alep ni intambwe ikomeye

Prezida Bashar al-Assad avuga ko intsinzi muri Alep ari intambwe ikomeye igana kurangiza intambara ibera muri Syria.

Abasirikare biwe hamwe n’abamushigikiye, barahinduye vyinshi muri ico gisagara, ubu bakaba bariko baramaririza ibisigarira vy’abagwanyi bari basigaye muri ako karere.

Abarongoye ibihugu vya Buraya, Amerika, Ubwongereza, Ubufaransa n’Ubudagi, basavye ko intambara yohagarara ikitaraganya.

Bavuga ko ibibazo vy’abantu hamwe n’amafoto y’abana bapfuye baguma babona, aca ivutu.

Bagirije reta ya Syria n’Uburusiya ko babuza ko imfashanyo zishikira abanyagihugu.