Amatora ya Gambia: Yahya Jammeh 'yagombye kwegura'

Yahya Jammeh Uwufise ububasha kw’isanamu Reuters

Abayobozi b'ibihugu bya Afurika y'uburengerazuba ejo bazajya muri Gambiya kugerageza kumvisha Perezida Yahya Jammeh ko arekura ubutegetsi nyuma yo gutsindwa amatora y'umukuru w'igihugu.

Abo bakuru b'ibihugu bazayoborwa na perezida wa Libeiya, Ellen Johnson Sirleaf, ari na we mukuru w'umuryango uhuza ibihugu byo muri Afurika y'uburengerazuba- Ecowas.

Perezida Jammeh yari yabanje kwemera ko azarekura ubutegetsi mu kwezi kwa Mbere ariko aza kwisubiraho ku wa Gatanu avuga ko atemera ibyavuye muri ayo matora.

Amashyaka atavuga rumwe na leta yasabye ko Perezida Jammeh arekura ubutegetsi vuba.

Imibare ya komisiyo y'igihugu y'amatora yerekana ko amajwi yavuye mu matora yo ku itariki ya mbere z'ukwa 12 ihagaze itya:

  • Adama Barrow yagize amajwi 222.708 (43,3%)
  • Perezida Jammehyabonye 208.487 (39,6%)
  • Umukandida w'ishyaka rya gatatu, Mama Kandeh, yagize 89,768 (17,1%)

Amajwi yasubiwemo na komisiyo y'amatora ku itariki ya 5 z'ukwa 12, nyuma yo bivugiwe ko habaye amakosa mu guteranya amajwi yo mu gace kamwe, byatumye amajwi ya Bwana Barrow azamuka.

Ariko Komisiyo yavuze ko, iryo kosa ryanatumye abandi bakandida babona amajwi ari hejuru "ritahinduye uko ibintu bihagaze".

Cyakora byagabanyije ikinyuranyo cy'intsinzi ya Bwana Barrow kiva ku majwi 9% kijya kuri 4%.

Uwufise ububasha kw’isanamu Reuters
Image caption Adama Barrowavuga ko ahangayikishijwe n'umutekano we

Bwana Jammeh, wategetse Gambiya mu myaka 22 ishize, yabanje kwemerera Bwana Barrow wigeze gukora akazi ko gucunga umutekano mu iduka rritwa Argos i Londres, ko yatsinze.