Abasirikare muri Cote d'Ivoire basubiye mu makambi

Abasirikare bari bagumutse basaba inyongera mu gahembo kabo
Insiguro y'isanamu,

Abasirikare bari bagumutse basaba inyongera mu gahembo kabo

Abasirikare mu gihugu ca Cote d'Ivoire basubiye mu makambi, imigumuko bari bamazemwo iminsi ibiri basaba inyongera ikaba yaheze.

Kuwa gatandatu umukuru w'igihugu Alassane Ouattara yatangaje ko yashitse ku mwumvikano n'abo basirikare ku bijanye n'imishahara hamwe n'akarusho ku kuntu bafashwe.

Umugaba mu gisirikare yari mu bagumutse yavuze ko abasirikare muri Cote d'Ivoire yose bavuye mu mabarabara kandi ko bari mu makambi yabo barindiriye guhembwa.

Insiguro y'isanamu,

Prezida Alassane Ouattara yemeye kwumviriza abasirikare bagumutse

Abatuye mu miji imigumuko yabereyemwo bavuga ko ubuzima bwasubiye kuba ubusanzwe, amaduka n'amabarabara bikaba vyuguruye

Soma ibindi kuri iyi nkuru: