White House: Umugabo yatawe muri yombi agerageza kwinjira mu biro bya perezida Trump
Ahavuye isanamu, Getty Images
Inzego z'umutekano zivuga ko umugabo yatarutse uruzitiro mu ijoro ryo ku wa Gatanu
Inzego z'ubutasi muri Ameika zavuze ko umugabo wari ufite igikapo yatawe muri yombi nyuma yo guca ku biro by'umukuru w'igihugu wa Amerika bizwi ku izina rya White House.
Perezida Donald Trump yari mu biro ku wa Gatanu igihe ibyo babaga.
Umugabo yatawe muri yombi ku ruhande rw'amajyepfo ya White House. Inzego z'iperereza zavuze ko nta kintu cyahungabanya umutekano cyasanzwe mu gikapo cy'uwo mugabo.
Bwana Trump na minisitiri ushinzwe umutekano John Kelly bahawe amakuru ku iki kibazo.
Abashinzwe umutekano bavuze ko basanze nta kintu cyagombye guhungabanya umutekano uwo mugabo yari yitwaje.
Si ubwa mbere abantu binjira mu ruzitiro rwa White House bagashyikirizwa polisi.
Muri 2014, umugabo w'imyaka 42 Omar Gonzalez yaciye mu muryango w'uruzitiro rw'amajyaruguru ajya mu nyubako yitwaje imbunda ya cm 9 n'icyuma.
Icyo gihe inzego z'ubutasi zavuze ko yatawe muri yombi nyuma yo kurenga inzugi.
