Koreya y'Amajyaruguru: Amerika yose iri 'mu cyico cya misile'

Kim Jong-un yavuze ko misile yayo yerekana ubushobozi bwo kurasa "igihe icyo ari cyo cyose n'aho ari ho hose"

Ahavuye isanamu, Reuters

Insiguro y'isanamu,

Kim Jong-un yavuze ko misile yayo yerekana ubushobozi bwo kurasa "igihe icyo ari cyo cyose n'aho ari ho hose"

Koreya y'Amajyaruguru yishimiye igerageza ry'igisasu ndengamigabane cyo mu bwoko bwa misile yitwa ICBM (intercontinental ballistic missile), mu gisa no "guha gasopo" Amerika.

Itangazamakuru rya leta ryavuze ko perezida wa Koreya y'Amajyaruguru Kim Jong-un yavuze ko ubu noneho Leta Zunze Ubumwe za Amerika zise zishobora kuraswaho.

Iri gereageza ryakozwe mu byumweru bitatu nyuma y'irindi ry'igisasu cya ICBM.

Perezida wa Amerika Donald Trump yavuze ko ibi ari "ikindi gikorwa cy'ubutegetsi bwa Koreya y'Amajyaruguru cyo kwihara kandi giteye inkeke".

Ahavuye isanamu, AFP

Insiguro y'isanamu,

Igisirikare cya Amerika na Koreya y'Epfo byakoze imyimenyerezo yo kurasira ku butaka mu gisa no gusubiza ibyakozwe na Koreya y'Amajyaruguru.

Ubushinwa nabwo bwamaganye iri geragezwa ry'igisasu ariko busaba impande zombi kwifata no kwirinda kuzamura ubushyamirane.

Igihe Koreya y'Amajyaruguru yahamyaga amakuru y'igisasu yavuze ko iyo misile yagurutse mu minota 47 ijyera ku butumburuke bwa kilometero 3.724.

Ahavuye isanamu, KCNA

Umutegetsi mu gisirikare cya Amerika yavuze ko Amerika na Koreya y'Epfo byakoze imyimenyerezo yo kurasira ku butaka mu gisa no gusubiza ibyakozwe na Koreya y'Amajyaruguru.

Itangazo ry'igisirikare cya Amerika ryavuze ko iyi misile yarashwe ku butaka buri ku mazi hafi y'icyambu cya Koreya y'Amajyepfo.