Angola: Amatora ya Perezida usimbura Jose Eduardo dos Santos

Urubyiruko ruvuga ko kubona akazi ari cyo kintu cy'ingenzi Uwufise ububasha kw’isanamu EPA
Image caption Urubyiruko ruvuga ko kubona akazi ari cyo kintu cy'ingenzi

Abanyangola bazindukiye mu matora yo gusimbura Perezida Jose Eduardo dos Santos uyobora Angola kuva mu mwaka wa 1979, akaba ari we Perezida wa kabiri ku isi umaze igihe kirekire ku butegetsi.

Jose Eduardo dos Santos ntabwo ari guhatana muri aya matora. Minisitiri w'ingabo, Joao Lourenco, ni we mukandida w'ishyaka MPLA riri ku butegetsi.

Byitezwe ko uwo baza kuba bahanganye cyane ari Isias Samakuva, wo mu ishyaka UNITA ryahanganye na MPLA mu ntambara yamaze imyaka 27.

Muri aya matora yo muri Angola, abatora bahitamo umukandida ndetse n'ishyaka.

Image caption Abatora barahitamo mu bakandida batandatu n'amashyaka atandatu

Abasesenguzi baravuga ko ishyaka MPLA, riri ku butegetsi kuva Angola yabona ubwigenge mu mwaka wa 1975 yigobotoye ubukoloni bwa Portugal, rishobora gutsinda aya matora.