Centrafurika: Musenyeri w'umugatolika yahaye ubuhungiro abayisilamu 2000

Abarwanyi b'abakrisitu bashinze ibirindiro hanze y'ishuri rya seminari Uwufise ububasha kw’isanamu Catholic Bishop of Bangassou, Juan José Aguirre Mu
Image caption Abarwanyi b'abakrisitu bashinze ibirindiro hanze y'ishuri rya seminari

Musenyeri muri kiliziya gatolika mu gihugu cya Repubulika ya Centrafurika yahaye ubuhungiro impunzi z'abayisilamu ibihumbi bibiri zifite ubwoba bwo guterwa n'abarwanyi biganjemo abakrisitu, bazwi nka anti-Balaka.

Musenyeri Juan José Aguirre Munoz avuga ko izi mpunzi zidashobora kuva aho yazicumbikiye mu nyubako y'ishuri rya seminari ryigisha abashobora kuba abapadiri, riri mu majyepfo ashyira uburasirazuba bw'umujyi wa Bangassou.

Yabwiye BBC ko izo mpunzi ziri "mu byago by'urupfu" kubera abarwanyi ba anti-Balaka.

Mu cyumweru gishize, Stephen O'Brien, umuyobozi mu ishyirahamwe ry'umuryango w'abibumbye rishinzwe ubutabazi, yaburiye ko Repubulika ya Centrafurika ishobora kubamo jenoside.

Uwufise ububasha kw’isanamu Getty Images
Image caption Ingabo zo kubungabunga amahoro z'umuryango w'abibumbye ziri muri Centrafurika kuva mu mwaka wa 2014

Guhera mu mwaka wa 2013, Repubulika ya Centrafurika yibasiwe n'urugomo rushingiye ku moko, igihe inyeshyamba ziganjemo abayisilamu za Seleka zafataga ubutegetsi, zigashinjwa kwica abaturage batari abayisilamu.

Icyo gihe rero nibwo "amatsinda y'ubwirinzi" y'aba anti-Balaka yavutse, ariko nayo yashinjwe ubwicanyi.