Blair asanga Ubwongereza bwaguma muri EU

Tony Blair Uwufise ububasha kw’isanamu JEFF OVERS/BBC

Tony Blair - wigeze kuba ministri w'intebe w'Ubwongereza - yasabye leta gushyiraho amategeko mashya agenga abinjira mu gihugu agamije kugabanya ubwoba bw'abaturage ku buryo ariko igihugu cyaguma mu muryango w'Ubumwe bw'Uburayi (EU).

Bwana Blair yavuze ko hashobora gushyirwaho amategeko yagabanya ingaruka mbi abinjira bagira ku gihugu hatagendewe ku ngaruka mbi zo kuva mu muryango w'ubumwe bw'Uburayi bizwi ku izina rya Brexit.

Ikigo cya Blair kigamije guhindura ibintu ku isi - Institute for Global Change - cyasohoye icyegeranyo kivuga ko byaba byiza mu gihe kiri imbere, abanyaburayi bashaka kwinjira mu Bwongereza bajya babanza kwerekana ko hari uwabemereye akazi kandi banagera imbere mu gihugu bakiyandikisha.

Uwufise ububasha kw’isanamu Getty Images
Image caption Abanenga Blair bamushinja politiki yo gufungurira imiryango abanyamahanga.

Icyo gitekerezo cyatewe utwatsi n'umwe mu baminisitiri bo muri leta y'Ubwongereza, Michael Fallon, wavuze ko igihugu cyatoye kuva mu muryango w'Ubumwe bw'Uburayi kandi ko Tony Blair yagombye kubyemera.