Turnbull ashyigikiye ko abatinganyi basezerana

Ntabwo byari bizwi niba ministri w'intebe ashyigikiye ko abatiganyi basezerana. Uwufise ububasha kw’isanamu EPA
Image caption Ntabwo byari bizwi niba ministri w'intebe ashyigikiye ko abatiganyi basezerana.

Ministri w'intebe wa Australia, Malcom Turnbull, yavuze ijambo ritunguranye ko ashyigikiye ko abatiganyi amategeko abemerera gusezerana nk'umugore n'umugabo.

Ibyo yabivugiye imbere y'abantu babarirwa mu bihumbi bari mu myigaragambyo yo kwerekana ko babishyigikiye.

Abantu barenga ibihumbi 20 bari bateraniye mu mujyi wa Sydney mu myigaragambyo barimo gukora mbere yuko inteko nshingamategeko ya Australia itora itegeko rigamije kwemeza cyangwa se kwanga ko abatiganyi bemererwa gusezerana mu mategeko.

Uwufise ububasha kw’isanamu EPA
Image caption Bwana Turnbull avuga ko kwemerera abatinganyi bagasezerana ntacyo bitwaye.

Inteko nshingamategeko ya Australia izatangira kubyiga ku itariki ya 12 z'uku kwezi ariko icyemezo kizafatwa mu kwezi kwa cumi na rimwe.

Abandi banyapolitiki bo muri Australia, barimo umukuru w'abatavuga rumwe na leta, Bill Shorten, nabo bavugiye ijambo imbere y'iyo mbaga berekana ko babashyigikiye.