Trump aravuga ko ntacyo yumvikanye n'abademokarate

Perezida Trump Uwufise ububasha kw’isanamu Reuters
Image caption Perezida Trump

Perezida Donald Trump wa Leta zunze ubumwe za Amerika yahakanye amakuru avuga ko yumvikanye n'abo mu ishyaka ry'abademokarate ko urubyiruko rw'abimukira rudafite ibyangombwa rutakwirukanwa mu gihugu.

Abayobozi b'ishyaka ry'abademokarate mu nteko nshingamategeko bari bavuze ko bemereye Trump gukorana nawe ku byemezo binyuranye byerekeranye n'umutekano ku mupaka.

Ariko mu nyuma Perezida Trump yavuze , ku rubuga rwa Twitter, ko ibi byemezo byagombye kuba ari byinshi kugira ngo abyemere kandi ko bigomba kunyura mu nteko nshingamategeko.

Abademokarate bavuze ko ibyo bumvikanye ku birebana n'ingengo y'imali ntaho bihuriye n'urukuta Trump ashaka kubaka ku mupaka wa Mexique.

Amakuru yuko Trump yumvikanye n'abademokarate yari yarakaje intagondwa zo mu ishyaka ry'aba Republicains.

Donald Trump mu nyuma ariko yavuze ko ari hafi cyane yo kugera ku mwumvikano n'abademokarate kugirango urubyiruko rw'abimukira rudafite ibyangombwa rutirukanwa muri Amerika.