Umuyaga wiswe Mariya uri kwegera ibirwa bya Karayibe

Ku Cyumweru Abasirikare ba Amerika bari mu birwa bya Virgin bakuweyo kubera uyu muyaga.

Ahavuye isanamu, Reuters

Insiguro y'isanamu,

Ku Cyumweru Abasirikare ba Amerika bari mu birwa bya Virgin bakuweyo kubera uyu muyaga.

Umuyaga wiswe Mariya uteye inkeke mu gihe uri gusingira ibirwa bya Leeward muri Karayibe. (Caribbean).

Ibiro bishinzwe urwego rw'imiyaga ikomeye muri Leta Zunze Ubumwe za Amerika bivuga ko mu gihe cy'amasaha 48 iyi nkubiri y'umuyaga urazamura ubukana ukubite ibirwa ku wa Mbere.

Impuruza y'uyu muyaga yahawe abatuye muri Guadeloupe, Dominica, St Kitts na Nevis, Montserrat na Martinique.

Ubu uyu muyaga watangiye gukubita muri Leta Zunze Ubumwe za Amerika n'ibirwa bya Virgin by'Ubwongereza, St Martins, St Barts, Saba, St Eustatius na Anguilla.

Bimwe muri ibi birwa biracyari mu bihe byo kuzanzamuka nyuma y'indi nkubiri ikomeye ya Irma yabyibasiye mu minsi ishize.

Uyu muyaga wo mu rwego rwa gatanu wishe abantu 37 unonona ibintu bibarirwa mu kayabo ka za miliyari z'amadolari.

Ahavuye isanamu, EPA

Insiguro y'isanamu,

Inzira y'inkubiri y'umuyaga wa Mariya uko ugenda usatira ibirwa