Diane Rwigara n'abo mu muryango we mu rukiko

Diane Rwigara
Image caption Diane Rwigara n'abo bari kumwe bo mu muryango bagiye mu rubanza bambitse amapingu

Abantu batatu bo mu muryango wa Assinapol Rwigara bagejejwe imebre y'urukiko kuri uyu wa gatanu aho bavuze ko badashobora kuburana badafite ubunganira mu mategeko.

Diane Rwigara n'umubyeyi we bavuze ko bafite ubunganira bahuriyeho ariko ko batigeze bashobora guhura nawe kugira ngo bategure imyiregurire.

Bavuze ko igihe cyose umunyamategeko yifuje kubabona atabyemerewe n'igipolisi kibafunze.

Ntibishobora gukina mu cuma cawe
Kuri uyu wa gatanu niho 3 bo mu muryango wa Rwigara baja imbere y'urukiko

Anne Uwamahoro we yavuze ko nta mwunganizi afite, akaba adashobora kuburana adahagarariwe.

Diane Rwigara n'abo mu muryango we batawe muri yombi ku itariki ya 23 z'ukwezi gushize.

Diane Rwigara: "Ubuzima bwacu ntabwo bworoshye"

Baregwaga kunyereza imisoro kuri bose Diane we akongeraho icyaha cyo gukoresha inyandiko mpimbano.

Gusa ubwo bari bamaze gutabwa muri yombi, amakuru yakomeje gucacana mu binyamakuru bikunze kumenya amakuru y'ubutegetsi ko icyaha cy'imisoro cyakuweho kuri bose ahubwo bakongererwaho icyo guhungabanya umutekano w'igihugu.

Gusa ubwoko bw'ibyaha bakurikiranyweho buzamenyekana ku wa mbere w'icyumweru gitaha, ubwo ubushinjacyaha buzasabwa gusobanura icyo bubakurikiranyeho.

Image caption Mu baje kwumviriza urubanza harimwo abaserukira ibihugu bimwe bimwe vy'amahanga mu Rwanda

Diane Rwigara, umukobwa w'imfura wa nyakwigendera Assinapol Rwigara, yatangiye kuvugwa cyane umwaka ushize ubwo yavugaga ko afite umugambi wo kwiyamamaza mu matora y'umukuru w'igihugu yatsinzwe na Paul Kagame.

Komisiyo y'amatora yaburijemo kandidatire ye ivuze ko imwe mu mikono imushyigikira yagaragaje yabonetse mu nzira z'uburiganya ndetse imwe muri yo ikaba iy'abantu batakiriho.

Rwanda: Polisi irakora iperereza kuri Diane Rwigara

Aha ni ho ubushinjacyaha bushingira bumurega inyandiko mpimbano.

Nubwo urubanza rutarangira, abatari bake bavuga ko ikurikiranwa ry'abo mu muryango wa Rwigara rifitanye isano n'icyifuzo cy'umukobwa wabo cyo kwiyamamaza mu matora y'umukuru w'igihugu