Imyigaragambyo irwanya ubwigenge bwa Catalonia

Imyigaragambyo Uwufise ububasha kw’isanamu AFP/REUTERS

Abantu babarirwa mu bihumbi bakoreye imyigaragambyo mu rumwe mu mbuga zikomeye mu murwa mukuru Madrid yo gushyigikira ubumwe bw'igihugu.

Iyi myigaragambyo ibaye nyuma y'icyumweru cy'impaka z'urudaca ku kazaza k'intara ya Catalonia nyuma ya kamarampaka ku bwigenge bwayo yabaye ku cyumweru gishize.

Mu gihe izi mpaka zikomeye, inteko nshingamategeko ya Catalonia irateganya kwiga icyo kibazo kuwa kabiri.

Leta ya Espagne yo yavuze ko itazemera ko iyi ntara yivana ku gihugu byaba ngombwa ikanayambura uburenganzira bwo kwitegeka.

Uwufise ububasha kw’isanamu AFP
Image caption Abadashyigikiye ko Catalonia yigenga mu myigaragambyo yabaye kuwa gatatu.

Umunyamakuru wa BBC uri muri Espagne aravuga ko hari ibimenyetso byerekana ko buri ruhande rushobora guhitamo kuba rutashyize mu bikorwa icyemezo rushaka gufata.

Abayobozi ba Catalonia bakaba bifashe ku birebana no gutangaza ko iyo ntara yigenga naho ubutegetsi bw'i Madrid nabwo bukaba buretse gufata icyemezo cyo kuvaniraho iyo ntara uburenganzira bwo kwitegeka.