Ubwigenge Catalonia ishaka bukomeje kwamaganwa

Abigaragambya i Barcelona bafite ibyapa byanditseho ngo "Catalonia ni iya Espagne". Uwufise ububasha kw’isanamu Reuters
Image caption Abigaragambya i Barcelona bafite ibyapa byanditseho ngo "Catalonia ni iya Espagne".

Abantu benshi bahuriye mu mujyi wa Barcelona mu myigaragambyo yo kwamagana gahunda zo guha ubwigenge intara ya Catalonia.

Iyi myigaragambyo iraba nyuma y'icyumweru habaye kamarampaka ku bwigenge bw'iyo ntara yakuruye impaka zitoroshye.

Abahamagaje iyi myigaragambyo baravuga ko bahagarariye rubanda nyamwishi rudashaka ko Espagne icikamo ibice.

Uwufise ububasha kw’isanamu EPA
Image caption Ministri w'intebe wa Espagne Mariano Rajoy aravuga ko adashaka ko igihugu gicikamo ibice.

Abategetsi b'intara ya Catalonia biyemerera ko umubare uri munsi ya kimwe cya kabiri cy'abantu bemerewe gutora aribo batoye muri iyo kamarampaka.

Ibyayivuyemo byerekanye ko bashaka ko iyo ntara yigenga.

Inteko nshingamategeko ya Catalonia irateganya kwiga kuri icyo kibazo kuwa kabiri.

Leta ya Espagne yaburiye ubuyobozi bwa Catalonia ko idashobora kwemera ubwigenge bwayo buramutse butangajwe.