Amatora muri Katalunya: Esipanye itegerejwe ko iri butangaze ubutegetsi butaziguye

Amatora ya kamarampaka yashyize igihugu mu manga y'ibibazo bya politike Uwufise ububasha kw’isanamu AFP
Image caption Amatora ya kamarampaka yashyize igihugu mu manga y'ibibazo bya politike

Guverinoma ya Esipanye irahamagaza inama y'abaminisitiri idasanzwe yo gushimangira ibyemezo byo gutegeka agace ka Katalunya (Catalonia) kigenga by'igice, mu buryo butaziguye.

Iyi nama ihamagajwe nyuma y'ibyumweru bitatu Katalunya ikoreye amatora ya kamarampaka, yaburijwemo n'urukiko rw'ikirenga ruvuga ko atemewe n'amategeko.

Umuyobozi wa Katalunya, Carles Puigdemont avuga ko ibyavuye mu matora byamuhaye ububasha bwo gukurikirana ubwigenge.

Ariko guverinoma ya Esipanye ntiyemeranya nawe ndetse irashaka gutegeka Katalunya mu buryo butaziguye.

Twageze hano gute?

Guverinoma y'agace ka Katalunya yakoze kamarampaka ku itariki ya Mbere z'ukwa Cumi ibaza abaturage niba bashaka kwitandukanya na Esipanye.

Kuri 43% by'abaturage bavuga ko batoye, 90% bemeje ko Katalunya ibona ubwigenge. Ariko benshi mu bamagana ubwo bwigenge banze kwitabira amatora bavuga ko atemewe.

Uwufise ububasha kw’isanamu EPA
Image caption Minisitir w'Intebe wa Esipanye Mariano Rajoy ari buhure na guverinoma ye kuri uyu wa Gatandatu