Mugabe yagizwe ambasaderi w'umukorerabushake wa OMS

Mugabe Uwufise ububasha kw’isanamu AFP/Getty
Image caption Abanenga Mugabe bavuga ko urwego rw'ubuvuzi rwazahaye muri Zimbabwe ku butegetsi bwe

Imiryango iharamira uburenganzira bwa kiremwamuntu n'amashyaka atavuga rumwe na leta muri Zimbabwe yamaganye icyemezo cy'Ishami rya LONI rishinzwe ubuzima ku isi, cyo kugena perezida Robert Mugabe nka ambasaderi mu kurwanya indwara zitandura.

Uwufise ububasha kw’isanamu AFP/Getty
Image caption Dr Tedros yatorewe kuyobora OMS hagamijwe kuyivugurura

Umuryango uharanir auburenganzira bwa kiremwamuntu, Human Rights Watch wavuze ko biteye isoni kumuha uwo mwanya kubera politike ya Bwana Mugabe mu rwego rw'uburenganzira bwa kiremwamuntu.

Ishyaka ritavuga rumwe na leta ryavuze ko icyo cyemezo gisekeje, nyuma yo kubona urwego rw'ubuzima ruzahara mu gihugu ku butegetsi bwa Mugabe.

Uwufise ububasha kw’isanamu AFP
Image caption Abanenga ubutegetsi muri Zimbabwe bavuga ko abarwayi badahabwa serivisi bakene mu buzima

Icyemezo cyo kumuha uwo mwanya cyafashwe ku wa Gatanu gitangazwa n'umuyobozi mushya wa OMS, Dr Tedros Adhanom Ghebreyesus.

Ni we muntu wa mbere uturukja ku mugabane wa Afurika watorewe kubobora Ishami ry'Umuryango w'Abibumbye rishinzwe ubuzima ku isi.