Ubwigenge bwa Katalunya: Puigdemont 'ntazemera' umugambi wa Rajoy

Puigdemont Uwufise ububasha kw’isanamu AFP/Getty
Image caption Bwana Carles Puigdemont, umukuru w'akarere ka Katalunya, yavuze ko abategetsi i Madrid banze ibiganiro

Minisitiri w'ububanyi n'amahanga muri Esipanye yahakanye ibirego bya Katalunya ko guverinoma ye yahiritse ubutegetsi muri aka gace kubere kukambura ubugenzizi bwako.

Alfonso Dastis yabwiye BBC ko niba hari umuntu waba warakoze iryo hirika ry'ubutegetsi, yaba ari abashyigikjiye ubwigenge muri guverinoma y'akarere ka Katalunya.

Bwana Dastis yavuze ko guverinoma ya Esipanye nta mutegetsi iri bute muri yombi ariko ko yiteze ko abaturage bari bwange kubahiriza amabwiriza y'abayobozi barimo n'umukuru wa polisi mu karere nibamara kuvanwa ku myanya yabo.

Uwufise ububasha kw’isanamu EPA
Image caption Bwana Rajoy yavuze ko guverinoma ye izakurikiza ingingo iri mu itegekonshinga ya 155

Yavuze ko polisi y'ako karere iri bushobore gukora neza nimara gushyirwa mu bugenzuzi bwa guverinoma nkuru i Madrid.

Ku wa Gatandatu, minisitiri w'intebe Mariano Rajoy yatangaje ibyemezo byo kwirukana abagize guverinoma y'akarere ndetse no kugabanya imbaraga z'inteko ishinga amategeko y'akarere ka Katalunya.

Uwufise ububasha kw’isanamu El Punt Avui

Byitezwe ko Sena ya Esipanye izemeza ibi byemezo bya guverinoma ku wa Gatanu ndetse hahite haba n'amatora mashya.