Abagera ku 10 bishwe barasiwe muri Afurika yepfo

Uwufise ububasha kw’isanamu AFP
Image caption Umuvugizi w'igipolisi - Col.Thembeka Mbhele - yemereye BBC uru rupfu rw'ikivunge.

Abantu bagera ku icumi biciwe mu kurasana kwabereye mu ntara ya Kwazulu Natal muri Afrika y'epfo.

Abarashwe bategewe mu muhanda mu gitondo cy'uyu munsi bari mu itagisi, bikibazwa ko byaba byatewe n'ubwumvikane buke buri hagati y'abatwara ayo matagisi.

Amasasu yadutse saa moya za mu gitondo ku isaha yo mu mujyi wa Ladysmith.

Umuvugizi w'igipolisi - Col.Thembeka Mbhele - yemereye BBC uru rupfu rw'ikivunge.

Yavuze ko abapolisi bageze ahabereye ubu bwicanyi kandi ko imirambo y'abishwe yari ikiryamye aho.

Yavuze ko uwungirije umukuru w'ishyirahamwe ry'abanyamatagisi yari kumwe n'abamurinda muri umwe mu mihanda minini ubwo imodoka ebyiri zitunguranye zadukaga zigatangira kurasa abantu batanu bari kumwe n'uyu muyobozi bakahasiga ubuzima.

Uwari utwaye imodoka ngo yananiwe kuyiyobora agongana na bisi ntoya, batanu bari bayirimo bose bagwa aho.

Igipolisi cyavuze ko kitaramenya icyateye ibi ariko ko iperereza rikomeje.

Intara ya Kwa Zulu Natal isanzwe izwiho ubushyamirane bw'abanyamatagisi barwanira ibyerekezo,yanavuzwemo ubwicanyi bushingiye ku nyungu za politiki mu mezi ashize.

Guverinoma yashyizeho Komisiyo yo gukora iperereza kuri ubu bwicanyi igizwe n'abanyamategeko bakomeye.