Sayfullo Saipov ngo yinjirijwemo amatwara akaze ya Islamu muri Amerika

Iyi foto ya Sayfullo Saipov yafashwe n'igipolisi muri 2016. Uwufise ububasha kw’isanamu ST CHARLES COUNTY POLICE DEPT
Image caption Iyi foto ya Sayfullo Saipov yafashwe n'igipolisi muri 2016.

Umukuru wa Leta ya New York muri leta zunze ubumwe za Amerika yavuze ko umugabo uri inyuma y'igitero cyaraye kigabwe mu mujyi wa New York kigahitana abantu umunani yari yarinjirijwemo amatwara akaze ya islamu imbere muri Amerika.

Andrew Cuomo yavuze ko igipolisi kirimo gukora iperereza ku nyandiko ndende yerekeranye n'umutwe wiyita leta ya Kiyislamu basanze mu modoka yagongeshejwe ku bushake abanyamagare n'abanyabirenge.

Uwo mugabo ukekwa, ni umwimukira ukomoka muri Uzbekstani witwa Sayfullo Saipov.

Igipolisi cyamuhatiye ibibazo mu bitaro.

Kiravuga ko aho kwicuza impamvu yagabye icyo gitero ngo ahubwo arivuga ibigwi kubera abantu benshi cyahitanye.

Uwufise ububasha kw’isanamu Getty Images
Image caption Aho icyo gitero cyabereye

Avugira ku rubuga rwa Twitter, Perezida Donald Trump yasabye ko hagira ibihunduka muri gahunda zo gutanga visa zo kwinjira muri Amerika.

Yanditse avuga ko bumwe mu buryo bukoreshwa bwo gutanga visa hakoreshejwe tombola bwagombye gusimburwa.

Perezida Trump kandi yanategetse abacunga imipaka kurushaho kurikanura mu kwmerera abanyamahanga binjira muri Amerika.

Uwufise ububasha kw’isanamu Getty Images
Image caption Perezida Trump ashaka ko hagira ibihindurwa mu gutanga impushya zo kwinjira muri Amerika.

Abanenga leta, baravuga ko ibyo Trump ashaka bishobora kuba bitabujije uwagabye igitero cy'ejo kwemerwa kwinjira muri Amerika.

Bongeraho kandi ko Uzbekistani akomokamo itari ku rutonde rw'ibihugu Trump ashaka ko abibituye batemererwa kwinjira muri Amerika.