Imyiteguro y'amatora ya perezida muri Liberia yahagaritswe

George Weah (ibumoso) na Joseph Boakai nibo bahatanira intebe y'umukuru w'igihugu. Uwufise ububasha kw’isanamu REUTERS/ EPA
Image caption George Weah (ibumoso) na Joseph Boakai nibo bahatanira intebe y'umukuru w'igihugu.

Urukiko rw'ikirenga muri Liberia rwategetse ko akanama gashinzwe amatora gahagarika imyiteguro y'ikiciro cya kabiri cy'amatora y'umukuru w'igihugu ateganijwe mu cyumweru gitaha.

Rurashaka kubanza kumva ikirego kivuga ko ikiciro cya mbere cy'ayo cyaranzwe n'uburiganya.

Umukadandida watanze icyo kirego - Charles Brumskine waje ku mwanya wa gatatu - n'abayobozi b'akanama gashinzwe amatora urukiko rwabasabye kurwitaba kuwa kane.

Indorerezi mpuzamahanga muri rusange zashimye uko ayo matora yagenze.

George Weah - wigize kuba icyamamare mu mukino w'umupira w'amaguru - na Joseph Boakai - wungirije umukuru w'igihugu - nibo bateganya guhatanira intebe y'umukuru w'igihugu mu matora yo mu cyumweru gitaha.

Mu kiciro cya mbere nta mukandida wabonye amajwi agera kuri 50% kugirango abe ariwe utsinda amatora.

Abasesenguzi baravuga ko nubwo uwagejeje ikirego mu rukiko yatsindwa ntabwo aya matora ashobora kuba nkuko biteganijwe kubera ko akanama kazakenera igihe katakaje.