Puigdemont arasaba ubumwe muri Catalonia

Kuwa gatanu habaye imyigaragambyo i Barcelona yamagana ifungwa ry'abashaka ubwigenge bwa Catalonia. Uwufise ububasha kw’isanamu Reuters
Image caption Kuwa gatanu habaye imyigaragambyo i Barcelona yamagana itabwa muri yombi ry'abashaka ubwigenge bwa Catalonia.

Uwahoze ari umukuru w'intara ya Catalonia muri Espagne, Carles Puigdemont, yasabye abo yise abakunzi ba demokarasi kwishyira hamwe mbere y'amatora yahamagajwe hutihuti akaba ateganijwe muri iyo ntara mu kwezi gutaha.

Avugira ku mbuga nkoranyambaga, Bwana Puigdemont yavuze ko ubumwe bukenewe cyane n'icyo yise Repubulika ya Catalonia n'irekurwa ry'abafungiye politiki.

Uyu mugabo ari mu Bubirigi kandi arashakishwa n'ubucamanza bwa Espagne.

Uwufise ububasha kw’isanamu Reuters
Image caption Carles Puigdemont ari mu Bubirigi.

Bwamusohoreye impapuro zisaba kumuhagarika mu iperereza ku byaha aregwa byo kwigomeka no gushishikariza abaturage kwigomeka ku butegetsi nyuma yaho intara ya Catalonia itangarije ko yigenga.

Abategetsi b'Ububirigi barimo gusuzuma ubwo busabe bwo kumuta muri yombi.