Wydad Casablanca yegukanye igikombe cy'amakipe yabaye aya mbere iwayo

Igitego cya Wydad cyatsinzwe ku munota wa 69 gitsindwa na Walid El Karty. Uwufise ububasha kw’isanamu Getty Images
Image caption Igitego cya Wydad cyatsinzwe ku munota wa 69 gitsindwa na Walid El Karty.

Ikipe Wydad Casablanca yo muri Maroc yegukanye igikombe cy'amakipe yabaye aya mbere ku mugabane wa Afurika, Champions League, cyo muri uyu mwaka.

Iyi kipe yatsinze kuwa gatandatu ikipe ya Al Ahly yo mu Misiri 1-0 kimwe ku busa mu mukino wo kwishyura; biba bibaye 2-1 mu mikino yombi.

Mu mpera z'icyumweru gishize Wydad na Al Ahly byari byanganyirije 1-1 mu mujyi wa Alexandria.

Bubaye ubwa kabiri mu mateka ya Wydad yegukana igikombe cya Afurika cy'amakipe yabaye aya mbere iwayo.

Ikipe ya Al Ahly yo imaze kwegukana iki gikombe inshuro umunani zose.

Igitego cya Wydad cyatsinzwe ku munota wa 69 gitsindwa na Walid El Karty.

Usibye miliyoni 2.5 z'amadolari iyi kipe izabona, izanahagararira Afurika mu irushanwa ry'igikombe cy'isi cya FIFA mu rwego rw'amakipe rizabera muri United Arab Emirates mu kwezi gutaha.