Ali Abdullah Saleh arashaka kuganira n'ingabo ziyobowe na Arabia Saudite

Ali Abdullah Saleh amaze igihe arwanya ingabo ziyobowe na Arabia Saudite. Uwufise ububasha kw’isanamu Reuters
Image caption Ali Abdullah Saleh amaze igihe arwanya ingabo ziyobowe na Arabia Saudite.

Ali Abdullah Saleh, wahoze ari umukuru wa Yemeni, yatangaje ko ashaka kuvugana n'ibihugu birangajwe imbere na Arabia Saudite ingabo ze zimaze imyaka irenga ibiri zirwana nabyo.

Ingabo z'ibi bihugu zishyigikiye leta ya Yemeni yemewe n'amahanga.

Bwana Saleh ashaka kuganira n'ibyo bihugu ari uko bimaze kwemera bimwe mubyo abisaba.

Ibi abitangaje mu gihe hari ubwumvikane buke hagati y'abamushyigikiye n'inkoramutima ze z'inyeshyamba z'aba Houthi.

Uwufise ububasha kw’isanamu EPA
Image caption Inyeshyamba z'aba Houthi kuri bariyeri mu mujyi wa Sanaa.

Ingabo z'izi mpande zombi - zarwanyirizaga hamwe ingabo z'amahanga ziyobowe na Arabia Saudite - ubu zatangiye gukozanyaho mu mihanda yo mu murwa mukuru wa Yemen, Sanaa.

Inyeshyamba z'aba Houthi zamaganye uko gushaka kuganira n'ibihugu birwana muri Yemeni ariko ibyo bihugu byo byabyakiriye neza.