Imishyikirano ivana Ubwongereza muri EU yateye intambwe

Brexit Uwufise ububasha kw’isanamu AFP

Akanama k'umuryango w'ubumwe bw'Uburayi katangaje ko hamaze guterwa intambwe ihagije mu kiciro cya mbere cy'imishyikirano yo kuvana Ubwongereza muri uwo muryango.

Ibi rero ngo bishobora gutuma ibiganiro ku kuntu Ubwongereza buzabana n'uwo muryango nibumara kuwuvamo, bitangira.

Ku Bwongereza no ku muryango w'ubumwe bw'Uburayi (EU) uyu ni umwanya wo kwiruhutsa aho kuba uw'ibyishimo.

Kunanirwa kugera ku mwumvikano magingo aya byari gutuma leta ya Theresa May ivaho maze Ubwongereza bukava muri uwo muryango nta masezerano bigiranye.

Nubwo bwose ariko ibyo bitakibaye, ejo hazaza h'imishyikirano ku kuntu Ubwongereza buzabana n'umuryango w'ubumwe bw'Uburayi nihoroshye.

Ari muri leta y'Ubwongereza ari n'abaturage b'iki gihugu muri rusange ntibavuga rumwe k'ukuntu uwo mubano wagombye kumera.

Uko kutavuga rumwe rero no mu muryango w'ubumwe bw'Uburayi barakubona.