Abatavuga rumwe na leta babujijwe kujya mu matora yo muri 2018

Abanya Venezuwela bireba ku rutonde rw'abiyandikishije gutora. mu matora y'abayobozi b'uturere. Uwufise ububasha kw’isanamu AFP
Image caption Abanya Venezuwela bireba ku rutonde rw'abiyandikishije gutora. mu matora y'abayobozi b'uturere.

Perezida wa Venezuwela, Nicolas Maduro, avuga ko amashayaka akomeye atavuga rumwe na leta mu gihugu abujijwe kugira uruhare mu matora y'umukuru w'iguhugu mu mwaka utaha.

Yavuze ko amashyaka yagize uruhare mu matora y'abayobozi b'uturere ku Cyumweru ari yo yonyine azahatanira umwanya w'umukuru w'igihugu.

Abayobozi b'amashyaka Justice First, Popular Will na Democratic Action yanze kwitabira amatora avuga ko uburyo yari ateguye bwari bubogamye.

Perezida Maduro atsindagira ko ubwo buryo bwizewe byuzuye.

Mu ijambo rye ku Cyumweru, yavuze ko amashyaka atavuga rumwe na leta "yazimiye ku ikarita ya politike".

Yagize ati:

"Ishyaka ritagiye mu matora uyu munsi kandi ryasabye kutitabira amatora ntirishobora kongera kuyitabira ukundi."

Onu isaba Venezuela kugabanya inguvu ihangana n'abayiyamiriza

Venezuela: Inteko nshingamategeko irashinjwa gufata ubutegetsi

Mu kwezi kwa Cumi, amashyaka atatu akomeye atavuga rumwe na leta yatangaje ko atazitabir amatora yo ku Cyumweru, avuga ko byaba ari ugutera ingabo mu bitugu ubutegetsi bw'igitugu bwa Bwana Maduro.

Perezida Maduro avuga ko ishyaka rye ryatsinze imyanya 300 kuri 355 y'abayobvozi b'uturere iri guhatanirwa. Akanama k'amatora kavuga ko ubwitabire buri kuri 47%.

Venezuwela imaze igihe mu bibazo by'ubukungu bitifashe neza birimo ibura ry'ibintu by'ingenzi by'ibanze.