Ahantu hatwitswe n'inkongi y'umuriro wiswe Thomas hararuta umujyi wa New York City

Abazimya umuriro barahangana no gutuma utiyongera Uwufise ububasha kw’isanamu EPA

Umuriro ukomeye cyane wadutse muri Kariforuniya muri Leta Zunze Ubumwe za Amerika ukomeje kwiyongera ku buryo aho watwitse haruta umujyi wa New York.

Umuriro wiswe Thomas mu majyepfo ya Kariforuniya, mu duce twa BVentura na Santa Barbara wafashe hegitari 230.000 mu cyumweru gishize.

Kubera kwenyegezwa n'inkubi y'umuyaga, inkongi yakwiriye ahantu henshi ku buryo wabaye uwa gatanu ukomeye mu mateka ya leta ya Kariforuniya nyuma yo gukwira ku butaka bungana na hegitari 50.000 mu munsi umwe.

Abatuye mu duce twegereye inkombe bategetswe kwimuka.

Uwufise ububasha kw’isanamu NASA/EPA
Image caption Amafoto y'icyogajuru arerekana umuriro wiswe Thomas mu majyaruguru ya Los Angeles, ukagera no ku nkombe za Pasifika

Ku Cyumweru, abakora mu rwego rwo kuzimya inkongi bavuze ko 15% by'ahahiye hazimijwe ariko baje kugabanya bashyira ku 10% mu gihe umuriro ukomeje gusakara.

"Umuyobozi wa polisi muri Santa Barbara, Bill Brown, yagize ati:

Uyu muriro urakaze, biraboneka, ariko dufite abantu benshi bari gukorana umurava mu kuwuzimya."

Ibikorwa byo kuzimya umuriro biri gukomwa mu nkokora n'inkubi y'umuyaga. Ntibyoroshye kubera uduce tw'imisozi.

Uwufise ububasha kw’isanamu MARK RALSTON
Image caption Abazimya umuriro bafite akazi katoroshye ko gutuma udasakara

Umusesenguzi mu rwego rwo kuzimya inkongi muri Kariforuniya, Tim Chavez, yavuze ko ibikorwa by'ihutirwa byakomwe mu nkokora kubera ko ubushyuhe buri guhura n'inyanja bigatuma bigorana kuhagera.