Oscar Pistorius yakomerekeye mu mirwano muri gereza muri Afurika y'Epfo

Oscar Pistorius (ibumoso muri 2016) yahamijwe icyaha cyo kwica umukunzi we muri 2015 Uwufise ububasha kw’isanamu AFP
Image caption Oscar Pistorius (ibumoso muri 2016) yahamijwe icyaha cyo kwica umukunzi we muri 2015

Oscar Pistorius, wahoze ari umukinnyi ngororangingo muri Afurika y'Epfo yakomerekere mu mirwano yabereye muri gereza, nyuma y'ibyumweru bibiri igihano cyo kwica umukunzi we Reeva Steenkamp gikubwe kabiri.

Umuvugizi wa gereza yabwiye BBC ko uyu mukinnyi waje kwandavuzwa n'ibyaha byo kwica uwari umukunzi we yari mu mirwano yatewe n'ikoresha rya telefoni rusange.

Yongeyeho ko Pistorius, wakatiwe imyaka 13 n'amezi atanu yakomeretse.

Ariko umuvugizi wa gereza afungiyemo yavuze ko nta bindi bikomere byagaragaye.

Iyo myivumbagatanyo yabaye ku itariki ya 6/12, iminsi icumi nyuma y'uko abashinjacyaha muri Afurika y'Epfo bavugiye ko imyaka yari yahawe y'igifungo cy'imyaka itandatu "ari gito cyane" yagombaga kongerwa.

Uwufise ububasha kw’isanamu AFP
Image caption Pistorius yarashe umukunzi we Reeva Steenkamp ku munis w'abakundana muri 2013

Pistorius yabanje guhamwa n'icyaha cyo kwica atabigambiriye nyuma yo kuvuga ko yarashe Steenkamp akamwica ari inyuma y'ubwiherero ariko amwitiranyije n'umujura. Hari mu masaha akuze ku munsi w'abakundanye bita Valentine's Day muri 2013.

Ariko Urukiko rw'Ikirenga rw'Ubujurire rwasubiyemo uyu mwanzuro muri 2015 rumuhamya icyaha cy'ubwicanyi.

Pistorius watsindiye imidari itandatu ya zahabu yari yanditse amateka aba umuntu wa mbere ugiye mu irushanwa ry'imikino ya Olempike n'abantu badafite ubumuga muri 2012 i London, agendera ku maguru y'utwuma.

Amaguru ye yaciwe akiri uruhinja kubera uburwayi.