Urwanda rwasohoye itangazo ryo guca Shisha muri ico gihugu

Umupfasoni ariko aranywa Shisha

Igihugu c'Urwanda cafashe ingingo yo kubuza kunywa itabi riba riri mu gikono rivanze n'amazi rizwi kw'izina rya Shisha kuva kuri uyu wa gatanu, nk'uko bimenyeshwa n'itangazo ry'ubushikiranganji bw'amagara y'abantu.

Umushikiranganji Diane Gashumba yavuze ko iryo tegeko rishasha rikurikiye impanuro z'ishami rya Onu rijejwe amagara y'abantu (OMS) ryasanze Shisha " yonona amagara y'abantu, bidakunda kuyiheba wayitanguye kandi imerera nabi abantu".

Shisha igenda ikundwa cane n'abakiri bato ku mugabane wa Afrika.

Umushikiranganji w'amagara y'abantu yabujije ibikorwa vyo kumenyekanisha Shisha avuga ko hashobora gufatwa ibihano ku bantu batazokwubahiriza iryo tegeko rishasha.

Urwanda rubaye igihugu ca kabiri muri Afrika kibujije Shisha inyuma ya Tanzania.