Urupfu rw'umuherwe Barry Sherman w'umunya Canada n'umugore we 'ruteye urwikekwe'

Honey na Barry Sherman bari bazwi kubera umuryango wabo ufasaha abatishoboye Uwufise ububasha kw’isanamu Reuters
Image caption Honey na Barry Sherman bari bazwi kubera umuryango wabo ufasaha abatishoboye

Umuherwe w'umunya Canada n'umugore we batahuwe bapfiriye mu nzu yabo i Toronto mu buryo polisi isobanura ko 'buteye urwikekwe'.

Amakuru aravuga ko imirambo ya Barry Sherman n'umugore we Honey yatahuwe mu cyumba n'umuntu ukora mu kazi k'ibijyanye no gucuruza amazu.

Bwana Sherman yari umuyobozi washinze ikigo cy'imiti cyitwa Aptex, kigurisha imiti ku isi yose.

Yari umwe mu banya Canda bakize cyane akaba n'umuntu ukora ibikorwa byo kwitangira no gufasha abandi.

Ku wa Gatanu nimugoroba, polisi ysohoye itangazo ivuga ko nta kimenyetso cyerekana ko hari uwaba yinjiye mu nzu ku ngufu.

Itangazamakuru muri Canada riravuga ko muri icyo gihe nta muntu ukekwa waba uri gushakishwa.

Umupolisi wo mu rwego rw'iperereza Brandon Price yabwiye ikigo cy'itangazamakuru CBC ko bari kugenzura niba hari ikindi kibyihishe inyuma.

polisi nta makuru menshi yatanze kandi ntiyigeze yemeze abapfuye. Cyakora, baje gutangazwa n'inshuti zabo ndetse n'abayobozi basubizanyije gutangara gukomeye nyuma y'ayo makuru y'igikuba.

Uwufise ububasha kw’isanamu Reuters
Image caption Imirambo iri mu kiringiti yakuwe mu nzu yabo iri mu majyaruguru y'uburasirazuba bw'umujyi wa Toronto
Uwufise ububasha kw’isanamu Reuters
Image caption Inzu yari yari iri kugurishwa ku kiguzi cya miliyoni eshanu n'ibihumbi magana ane by'amadolari

Umuvugizi wa polisi yavuze ko ibikorwa by'ubutabazi bw'igitaraganya zageze ku nyubako yabo ku wa Gatanu mbere ya saa sita.

Constable David Hopkinson yagize ati:

"Uburyo bw'urupfu rwabo busa n'ubuteye urwikekwe kandi uko ni ko turi kubifata".