Swati Maliwal: Arasaba ko abahamwa no gufata ku ngufu bicwa mu Buhinde.

Madamu Maliwal yavuze ko abantu basigaye bazi ikibazo cy'ifata ku ngufu ariko ko bitahinduye ibintu cyane mu Buhinde Uwufise ububasha kw’isanamu AFP
Image caption Madamu Maliwal yavuze ko abantu basigaye bazi ikibazo cy'ifata ku ngufu ariko ko bitahinduye ibintu cyane mu Buhinde

Impirimbanyi ikomeye mu Buhinde iharanira uburenganzira bw'abagore yasabye ko abafata abana ku ngufu bakwiye kwicwa mu mezi atandatu.

Swati Maliwal yasabye ibyo mu ibaruwa yohererejwe minisitiri w'intebe Narendra Modi.

Iyo baruwa yari igamije guhurirana n'isabukuru y'imyaka itanu ishize umwana w'umukobwa, Jyoti Singh w'imyaka 23, afashwe ku ngufu mu kivunge bikamuviramo no gupfa.

Urupfu rwe rwabaye imbarutso y'imyigaragambyo ikomeye mu gihugu.

Madamu Maliwal ukuriye umuryango Dehli Commision for Women yabwiye BBC ati:

"Nta cyahindutse mu myaka itanu ishize."

"Dheli iracyari umurwa mukuru w'ifatwa ku ngufu. Mu kwezi gushize, habaye gufata ku ngufu mu kivunge, umwana w'umwaka umwe n'igice yarahohotewe, uw'imyaka irindwi n'undi mukobwa w'umwaka n'igice."

Yavuze ko ku mpuzandengo, abakobwa batatu n'abagore batandatu bafatwa ku ngufu mu murwa mukuru buri munsi.

Umunyamakuru wa BBC, Jill MacGivering, ushinzwe akarere k'amajyepfo ya Aziya avuga ko Ubuhinde bwavuguruye itegeko ryabwo nyuma y'imyaka itanu y'imyigaragambyo, isaba kwihutisha imanza z'abaregwa ndetse no guhatira abapolisi gufata ibirego by'ifatwa ku ngufu nk'ibyaha bikomeye.

Madamu Maliwal yabwiye umunyamakuru wacu ko abantu basigaye bazi iki kibazo "ariko ko bitakemuye ikibazo".

Mu ibaruwa ye, Maliwal ashishikariza minisitir w'intebe gutera iindi ntambwe ku buryo abafatwa bahohotera abana bicwa mu gihe cy'amezi y'igihano cyabo.