Ishyaka rya ANC riratora umuyobozi mushya muri Afurika y'Epfo

Abakandida bahanganye cyane ni Nkosazana Dlamini-Zuma na Cyril Ramaphosa Uwufise ububasha kw’isanamu Reuters/AFP
Image caption Abakandida bahanganye cyane ni Nkosazana Dlamini-Zuma na Cyril Ramaphosa

South Africa's African National Congress (ANC) is set to vote on who will succeed President Jacob Zuma as its leader.

Ishyaka riri ku butegetsi muri Afurika y'Epfo ANC ryiteguye gutora umuyobozi uzasimbura perezida Jacob Zuma.

Abahanganiye uyu mwanya cyane ni visi perezida Cyril Ramaphosa, n'uwahoze ari muri guverinoma Nkosazana Dlamini-Zuma akaba yarahoze ari n'umugore wa perezida Zuma.

Huhanganira uyu mwanya w'ubuyobozi bwa ANC byateye impaka zikomeye mu ishyaka kuburyo hari ubwoba ko amacakubiri hagati y'abarwanashyaka ashobora kugeza muri 2019 mu gihe cy'amatora rusange.

Bwana Zuma yatanze impuruza ko ishyaka rryugarijwe n'akaga 'inzira ikomeye".

ANC iri ku butegetsi kuva mu mwaka wa 1994 Nelson Mandela abaye perezida wa mbere wa Afurika y'Epfo nyuma ya politike ya bagashakabuhake.

Abarwanashyaka barenga 5.000 bari mu nama nkuru y'ishyaka mu gihe cy'iminsi ine mu mujyi wa Johannesburg aho amatora abera.

Byitezwe ko amajwi aza kuba yegeranye cyane ndetse hashobora no kuba ibirego mu rwego rw'amategeko. Itora riba mu ibanga kandi ibyavuyemo byitezwe ku Cyumweru.

Uwufise ububasha kw’isanamu Reuters
Image caption Bwana Zuma byitezwe ko azaguma kuba perezida kugera muri 2019

Mu ijambo rye rya nyuma yagejeje ku bwarwanashyaka nk'umuyobozi w'ishyaka, perezida Zuma yamaganye intonganya zaranzwe mu ishyaka ku butegetsi bwe.

Yavuze ko amajwi mabi ANC yagize mu matora y'uturere aherutse ari "urwibutso rukomeye rwerekana ko abaturage bacu batishimiye uko ibintu bimeze muri ANC".

Ishyaka rimaze imyaka myinshi ritsinda amatora ku bwiganze kuva mu mwaka wa1 994, kuva haba amatora ya mbere abaturage bose bari bemerewe gutora hakarangira ubutegetsi bwa banyamucye b'abazungu bwakandamizaga abirabura. Ariko mu matora aheruka mu mwaka ushize, ANC yagize 54% gusa, Amsjwi macye cyane kuva ryajya ku butegetsi.

Umunyamakuru wa BBC Andrew Harding avuga ko hakibazwa ibibazo bishingiye kumenya niba ANC itari mu marembera ndtse n'icyo ibyo bivuze ku ituze n'ejo hazaza muri Afurika y'Epfo.