Esipanye: Katalunya itegereje ibiva mu matora

Ibiva mu matora yo kuri uyu wa Kane bishobora gutanga icyerecyezo cy'ahazaza ha Katalunya mu myaka myinshi Uwufise ububasha kw’isanamu EPA
Image caption Ibiva mu matora yo kuri uyu wa Kane bishobora gutanga icyerecyezo cy'ahazaza ha Katalunya mu myaka myinshi

Muri Esipanye abaturage b'intara ya Katalunya bazindukiye mu matora yahamagajwe na leta y'icyo gihugu nyuma yaho ivaniyeho inteko nshingamategeko y'ako karere.

Inteko ishinga amategeko yasheshwe nyuma y'uko Katalunya itangaje ko yigenga --- ubwigenge leta yavuze ko bunyuranyije n'amategeko.

Imirongo y'abatora yari miremire amatora agitangira. Umubare w'abitabiriye ayo matora uri hasi gato ugereranyije nuko byari bimeze hashize imyaka ibiri.

Uwufise ububasha kw’isanamu AFP
Image caption Umurongo w'abatora muri Barcolona

Ikibazo cy'ubwigenge cyagarutsweho cyane mu bikorwa byo kwiyamamaza mu gihe ibipimo by'amajwi byerekana ko nta tandukanyirizo rinini rishobora kuba mu majwi y'abashyigikiye ubwigenge n'abatabushigiye.