Icyiciro cya kabiri cy'amatora: Uwahoze ari umukinnyi wa ruhago ahanganye na visi perezida

George Weah (Ibumoso) na Joseph Boakai barahangana mu matora y'icyiciro cya kabiri Uwufise ububasha kw’isanamu Reuters/ EPA
Image caption George Weah (Ibumoso) na Joseph Boakai barahangana mu matora y'icyiciro cya kabiri

Abanya Liberiya bari mu matora y'umukuru w'igihugu mushya hagati ya visi perezida Joseph Boakari na George Weah wahoze ari icyamamare mu mupira w'amaguru.

Bwana Weah w'imyaka 51, yatsinze amatora y'icyiciro cya mbere ariko ntiyabonye amajwi 50% asabwa kugira ngo atangazwe nk'uwatsinze ku buryo budasubirwaho.

Ibindi bibazo bishingiye ku mategeko byakerereje icyiciro cya kabiri cy'amatora agamije kumenya uzasimbura perezida Ellen Johnson Sirleaf, umugore wa mbere wategetse igihugu muri Afurika.

Uwufise ububasha kw’isanamu Reuters
Image caption Umuturage aratorera i Monrovia

Liberiya, yashinzwe n'abahose ari abacakara bavuye muri Leta Zunze Ubumwe za Amerika mu kinyejana cya 19, ntiyagize ituze mu isimburana ku butegetsi mu myaka 73 ishize.

Uwufise ububasha kw’isanamu Reuters
Image caption Ellen Johnson Sirleaf avuye ku butegetsi nyuma y'imyaka 12 ari perezida

Ibiro by'amatora byafunguye mu gihugu hose saa 08:00 ku isaha mpuzamahanga ya GMT bikaza gufunga saa 18:00.

Abantu bagera kuri miliyoni ebyiri (2.000.000) nbo bemerewe gutora.

Ibizava mu matora bitegerejwe gutangazwa mu minsi ine.