Fujimori: Indi myigarambyo yatewe no kubabaira uwahozea ri perezida wa Peru

Abigaragambya bagerageje kujya ku bitaro aho Fujimori ari kuvurirwa ariko batangiriwe na polisi Uwufise ububasha kw’isanamu Reuters
Image caption Abigaragambya bagerageje kujya ku bitaro aho Fujimori ari kuvurirwa ariko batangiriwe na polisi

Polisi muri Peru yarashe ibyuka biryana mu maso inahangana n'abigaragambya babarirwa mu bihumbi barakajwe n'icyemezo cy'abategetsi cyo kubabarira uwahoze ari perezida Alberto Fujimori.

"oya nta mbabazi!" uko ni ko abigaragambyaga baririmbaga mu murwa mukuru Lima, ku munsi wa kabiri w'imyigaragambyo yatangiye ku mugoroba ubanziriza Noheli.

Perezida Pedro Pablo Kuczynski yababariye Fujimori ku mpamvu z'uburwayi.

Uwufise ububasha kw’isanamu EPA
Image caption Alberto Fujimori aracyatera impaka zikomeye cyane muri Peru

Bwana Kuczynski yemeye uburakari bwatewe n'icyemezo cye ariko avuga ko "atari gutuma Alberto Fujimori apfira muri gereza".

Fujimori, uri mu gihano cy'imyaka 25 y'igifungo kubera gukandamiza uburenganzira bwa kiremwamuntu, yakuwe muri gereza ajyanwa mu bitaro mu cyumweru gishize.

Uyu mugabo wahoze ari umukuru w'igihugu afite ikibazo cy'amaraso adatembera neza ndetse n'umutima udatera neza.

Uwufise ububasha kw’isanamu Reuters
Image caption Polisi yarwanye n'abigaragambya mu murwa mukuru Lima

Bwana Kuczynski ahakana amakuru avugwa ko yababariye Fujimori kubera amasezerano n'ishyaka rye mu cyumweru gishize, yo kuburizamo ikurwaho ry'ikizere no kwirukanwa ku butegetsi kubera ibirego byo kuba yarakiriye ubwishyu bw'amafaranga atemewe n'amategeko ava mu kigo cy'ubwubatsi Odebrecht cyo muri Brezil.

Babiri mu bari mu ishyaka rya perezida Kuczynski mu nteko ishinga amategeko, Vicente Zeballos na Alberto de Belaunde, beguye ku myanya yabo bamagana icyemezo cyo kubabarira Fujimori.