Brezil yategetse umudipolomate ukomeye wa Venezuwela kuva mu gihugu

Perezida wa Venezuwela Nicolás Maduro yavuze ko Brezil yanyuze inyuma y'amategeko Uwufise ububasha kw’isanamu Reuters
Image caption Perezida wa Venezuwela Nicolás Maduro yavuze ko Brezil yanyuze inyuma y'amategeko

Brezil yatangaje ko umudipolomate wa Venezuwela ukomeye, Gerardo Delgado, adakenewe mu gihugu.

Icyemezo cyije nyuma y'uko Venezuwela yirukaniye ambasaderi wa Brezil i Carcas, Ruy Pereira.

Mu gusobanura icyemezo cyayo, Venzuewela yavuze ko Brezil yanyuranyije n'amategeko mu kwirukana uwari ku butegetsi, Dilma Rousseff.

Ku wa Gatandatu, Venezuwela yanirukanye uwungirije ambasaderi wa Canada bita chargé d'affaires bamushinja kwivanga mu bibazo byo hagati mu gihugu.

Ku wa Mbere minisiteri y'ububanyi n'amahanga ya Canada yarihimuye itangaza ko ambasaderi Wilmer Barrientos Fernández, wari usazanzwe ari hanze y'igihugu atazemererwa kugaruka.

Umwungirije, Ángel Herrera, nawe yategetswe guhamira utwe akava mu gihugu.

Uwufise ububasha kw’isanamu Reuters
Image caption Ambasaderi wa Brezil Ruy Pereira yabujijwe gusubira muri Venezuwela

Umubano hagati ya Bezil na Venezuwela uhagaze nabi cyane kuva perezida Michel Temer yajya ku butegetsi mu mwaka ushize wa 2016, nyuma y'uko Madamu Rousseff akuwe ku butegetsi n'inteko ishinga amategeko kubera ibibazo bishingiye ku binyoma mu ngengo y'imari.

Perezida Nicolás Maduro yasobanuye iyirukanwa rye ku butegetsi nk' "ihirika ry'ubutegetsi ry'abahezanguni."