Somaliland: Itegeko rishya rihana abafata ku ngufu

Gufata ku ngufu bisanzwe bikemurirwa mu muco muri Somaliland Uwufise ububasha kw’isanamu AFP
Image caption Gufata ku ngufu bisanzwe bikemurirwa mu muco muri Somaliland

Inteko ishinga amateko ya Repubulika yihaye ubwigenge ya Somaliland, yemeje itegeko rihana icyaha cyo gufata abantu ku nguvu.

Igihano kuri icyo cyaha gishobora kugera ku munyururu w'imyaka myinshi.

Iryo tegeko ribuza kandi uburyo bwari buhasanzwe bwo kunga abantu mu muco ku byaha bishingiye ku gitsina.

Imiryango iharanira uburenganzira bw'abagore, yishimiye iryo tegeko rimaze amezi ritegurwa.

Iryo tegeko riravuga ko imanza zo gufata abagore ku ngufu zigomba kunyura mu nkiko, kandi ntabwo zigomba gukemurwa n'abayobozi b'imiryango hubahirijwe umuco.

Rirateganya ko ufashe umwana ku ngufu, azahanishwa igifungo kigera ku myaka 30.

Uwufise ububasha kw’isanamu Getty Images
Image caption Somaliland ifite perezida mushya, Muse Bihi Abdi, watowe mu kwezi kwa Cumi na Kumwe 2017

Imanza zishingiye ku gitsina ziramenyerewe mu turere two muri Afurika y'uburusirazuba dutuwemo Abanyasomaliya.

Mu kwezi kwa Munani, 2016, inteko y'igihugu gifite ubwigenge bucagase cya Puntland, nayo yemeje itegeko nk'iryo.

Ariko kurishyira mu bikorwa byaragoranye. Imanza nyinshi zo guhohotera abagore b'abanya Somaliya, zikemurwa binyuze mu biganiro by'abayobozi b'amoko.

Rimwe na rimwe, birangizwa n'uko abakobwa bategekwa kurongorwa n'ababafashe ku ngufu.

Bamwe mu bakurikirana hafi ibibera muri Somaliya, n'impuguke, baravuga ko kubera ingufu ziri mu muco w'abanya Somaliya, cyane cyane mu giturage, bitazoroha ko iryo tegeko rigira icyo rihindura vuba.