Mexique: Abimukira 200 batowe mw'ikamyo

Police instruct a group of Central American migrants intercepted as they crossed the country in the Tamaulipas state, Mexico, 3 February 2018 Uwufise ububasha kw’isanamu EPA
Image caption Abagabo, abapfasoni n'abana bakuwe muriiyo kamyo

Abimukira barenga 200 batagira ibibaraga bo muri Amerika yo hagati babasanze binyegeje mw'ikamyo batagira ico barya n'amazi mu buraruko bushira ubuseruko bwa Mexico.

Abategetsi bavuga ko baasanze abapfasoni n'abana bituniye inyuma mw'ikamyo mu ntara ya Tamaulipas mu bumanuko bw'urubibe rwa Texas.

Bari baje bava i Guatemala, Honduras n'i El Salvador bagana igihugu ca Amerika.

Abantu batatu bafashwe bagirizwa urudandaza rw'abantu.

Abapoli bo muri Mexique bavuga ko iyo kamyo yahagaritswe kw'ibariyeri hanyuma ivyuma bipima vyerekana abantu binyegejemwo. Nta mazi, nta mfungurwa n'impwemu bari bafise.

Abategetsi bavuga ko abagera ku mirongo ibiri na bane muri bo ari abana batari kumwe n'abavyeyi.

Trump: Umugambi w'uruhome uracariho

Trump: Uruzitiro hagati ya Amerika na Mexique ruzokoresha izuba

Mu kwezi guheze, abantu barenga 170 batagira ibiaranga bo muri Amerika yo hagati barapfungiwe mu ntara za Coahuila na Tamaulipas.

Guatemala, Honduras na El Saalvador ni vyo bihugu bikunze kuvamwo abimukira bashaka kwinjira rwihishwe muri Amerika.

Prezida Donald Trump yariyemeje gutuza abimukira baba abaje mu mategeko canke abatayakurikije, kandi arabandanya umugambi wiwe udashigikiwe na bose wo kwubaka uruhome ku rubibe Mexique ihana na Amerika.