Serzh Sargsyan: Minisitiri w'intebe wa Armeniya PM yeguye nyuma y'imyigaragambyo imwamagana

Abigaragambya bongeye guteranira mu mihanda kuri uyu wa Mbere Uwufise ububasha kw’isanamu AFP
Image caption Abigaragambya bongeye guteranira mu mihanda kuri uyu wa Mbere

Abantu benshi bagiye mu mihanda mu murwa mukuru wa Armeniya, Yerevan, kwishimira iyegura ku butegetsi rya minisitiri w'intebe Sezh Sargasyan.

Abantu babarirwa mu bihumbi, bahobeye abapolisi, bahagarara ku mamodoka bazunguza amabendera banabyina.

Bwana Sargasyan yavuye ku izima yegura nyuma y'iminsi 11 y'imyagaragambyo idacubya yamagana icyemezo cyo kuba minisitiri w'intebe, amaze kuba perezida mu gihe cya manda ebyiri.

Umuvugizi we, Hovhannes Nioghosyan, yabwiye BBC ko Bwana Sargsyan yashatse kwitwara mu buryo buboneye kandi yubahirije ibyo abigaragambya bamusaba banze ko aba minisitiri w'intebe.

Uwufise ububasha kw’isanamu EPA
Image caption Bwana Sargsyan yanenzwe cyane kubera umubano wa hafi cyane afitanye n'Uburusiya.

Mu itangazo yasohoye Bwana Sargsyan yavuze ko yari mu makosa, kandi ko Nikol Pashinyan wayoboye imyigaragambyo ari mu kuri.