Umunyedini Asaram yahamijwe icaha co gufata abapfasoni ku nguvu

ndian spiritual guru Asaram Bapu (C) is escorted by police, after he was arrested from his Indore ashram, at the airport in Jodhpur on September 1, 2013 Uwufise ububasha kw’isanamu Getty Images
Image caption Asaram arahakana ivyo yagirizwa vyose

Umunyedini yiyita ko ari mweranda avuga ko afise abayoboke imiliyoni n'imiliyoni hirya no hino kw'isi yahamijwe icaha co gufata ku nguvu.

Sentare yo mu ntara yo mu buraruko ya Jodhpur yahamije icaha Asaram Bapu c'uko yafashe ku nguvu umwana w'umwigeme w'imyaka 16 mu 2013.

Ashobora kwunguruza urwo rubanza muri sentare nkuru.

Uwo mugabo w'imyaka 77 afise afise ibibanza 400 hirya no hino kw'isi aho yigishiriza ukuyaga n'Imana wiherereye hamwe na 'yoga'.

Yumvirijwe kandi mu rundi rubanza rwo gufata ku nguvu mu ntara ya Gujarat.

Uwufise ububasha kw’isanamu Getty Images
Image caption Abantu benshi berekanye agashavu bafitiye Asaram

Abajejwe umutekano barikanuye mu ntara ya Jodhpur kubera abayoboke biwe bashobora kugumuka.

Bitegekanijwe ko sentare itangaza urwo rubanza uyu musi ku mugoroba.

Umugore aregwa icaha co gufata ku nguvu

Abantu 4 bagirizwa gufata ku nguvu umupfasoni muri bus muri Maroc bafashwe

Bagirizwa gufata umubikira ku nguvu

Utsav Bains, aburanira uwakorewe icaha, yabwiye NDTV ko yiteze ko sentare icira Asaram umunyororo wo guherayo.

"Ariko nta kintu na kimwe gishobora kuriha ububabare uwakorewe icaha n'umuryango wiwe baciyemwo," ni ko yavuze.

Uwufise ububasha kw’isanamu AFP
Image caption Asaram Bapu

Ingingo zo gukaza umutekano zafashwe inyuma y'aho abayoboke b'uwundi munyedini Gurmeet Ram Rahim, batereye akajagari inyuma yo guhamwa n'icaha co gufata ku nguvu mu mwaka uheze.

Iyo migumuko yahitanye abantu 23.