Abantu 9 bapfiriye mu gitero cagabwe kw'isengero muri Centrafrique

Umupadiri ari mu bapfuye muri Repubulika ya Centrafrique Uwufise ububasha kw’isanamu TWITTER
Image caption Umupadiri ari mu bapfuye muri Repubulika ya Centrafrique

Niburiburi abantu 9 bishwe abandi mirongo barakomereka mu gitero cagabwe kw'isengeo ryo ku mugwa mukuru Bangui mu gihugu ca Repubulika ya Centrafrique cagabwe n'abantu bataramenyekana, nkuko ikinyamakuru Reuters kivuga.

Isengero rya "Cathédrale Notre Dame de Fatima" ryagabweko ibitero vy'amasasu na gerenade mu misa yo mu gitondo, nkuko ababibonye bavyigana.

Radio y'abafaransa RFI ivuga ko mu bapfuye harimwo umupadiri.

Ntawuramenya nimba abantu bose batwawe mu bitaro, ko biciwe mw'isengero.

Abantu barenga 10 bariciwe muri iryo sengero igihe ritegwa mu 2014, nkuko umuryango mpuzamakungu Onu uvuga.

Umumenyeshamakuru wo mu gihugu yarungitse amashusho y'abantu baca mw'ibarabara Barthélemy Boganda ry'i Bangui, hafi y'ingoro y'umukuru w'igihugu ahari ibiro vya Onu, basaba umukuru w'igihugu gukomeza umutekano mu gihugu.

Repubulika ya Centrafrique yagiye mu ndyane mu 2013, igihe inyeshamba z'aba Islamu bo mu mugwi Séléka bafatiye ubutegetsi mu gihugu kigwiriyemwo abakirisu.

Uwundi mugwi ugwiriyemwo abakirisu wiyita "anti-balaka" waciye uvuka ngo ugwanye abo muri Séléka.

Muri Repubulika ya Centrafrique hishwe abandi bantu

Indyane zo muri CAR zatumye umuliyoni w'abanyagihugu bangara

Leta nshasha yatowe mu 2016 yarananiwe kugarukana amahoro muri ico gihugu kigwiriyemwo amabuye y'agaciro, kitaratekana kuva igihe cikukiye cikura Ubufaransa mu 1960.

Mu kwezi guheze, Onu ivuga ko abantu bari mu myiyerekano bashize ibiziga vy'abantu imbere y'ibiro bikuru vyayo i Bangui mu ntumbero ya politike.