Trump aravuga ko umubonano we na Kim Jong-un ushobora kutaba

Perezida Trump na Perezida wa Korea yepfo (iburyo). Uwufise ububasha kw’isanamu Reuters
Image caption Perezida Trump na Perezida wa Korea yepfo Moon Jae-in (iburyo).

Perezida wa Amerika, Donald Trump, yavuze ko bishoboka cyane ko umubonano yagombaga kugirana n'umukuru wa Korea ya ruguru Kim Jong-un mu kwezi gutaha ushobora kutaba.

Yavuze ko hari ibyo Korea ya ruguru igomba kubanza kuzuza kugirango ngo ashobore guhura n'umukuru wayo ngo ariko nibitaba bashobora kuzahura mu nyuma.

Ibyo Perezida Trump yabitangaje igihe yakiraga umukuru wa Korea yepfo Moon Jae-in mu biro bye bya White House.

Korea ya ruguru yavuze ko ishobora kuburizamo uwo mubonano niba Leta zunze ubumwe za Amerika zikomeje gutsimbarara ko icyo gihugu gihara nta mananiza umugambi wacyo wo gushaka gukora intwaro za nucleaire.

Uwufise ububasha kw’isanamu AFP PHOTO/KCNA VIA KNS
Image caption Kim Jong-un (ibumoso) igihe yahuraga na Perezida wa Korea yepfo mu kwezi kwa kane.

Trump nta bisobanuro yatanze ku byo Amerika ishaka ko leta ya Korea ya ruguru ibanza gukora.

Iyi nama hagati y'abo bakuru b'ibihugu bombi yari iteganijwe ku itariki ya 12 z'ukwezi gutaha muri Singapore.

Yabanjirijwe n'inama hagati y'abakuru ba Korea zombi mu kwezi kwa kane.

Ibindi bisa n’ibi