Trump ntakibonanye na Kim Jong-un

Trump na Kim Jong-un Uwufise ububasha kw’isanamu Getty Images

Perezida Trump yahagaritse inama yagombaga kumuhuza na Perezida wa Koreya y'Amajyaruguru Kim Jong-un yari iteganyijwe mu kwezi gutaha muri Singapore.

Yavuze ko byaba bidafututse nyuma y'uburakari budasanzwe bwagaragajwe n'umuyobozi wa Koreya y'Amajyaruguru muri iyi minsi ishize.

Mu ibaruwa yandikiye Bwana Kim, Trump yavuze ko kuburizamo iyi nama biri mu nyungu z'impande zombi ariko ko bibangamiye isi.

Uwufise ububasha kw’isanamu Reuters
Image caption Korea ya ruguru yise Mike Pence, wungirije Perezida Trump, igicucu.

Ariko yashushe n'uvuga ko inama ishobora kuba mu kindi gihe.

Bamwe bari bizeye ko uyu mubonano washoboraga kuba ipfundo ryo gutuma Koreya y'Amajyaruguru ireka umugambi w'ibisasu bya kirimbuzi.

Iyo nama yaburijwemo nyuma y'amasaha macye Koreya y'Amajyaruguru yari yarangije gusenya ahakorerwa igeragezwa ry'ibisasu bya kirimbuzi.

Imyobo itatu yo munsi y'ubutaka ahitwa Punggye-ri yari yamaze guturitswa mu muhango wanagiyemo abanyamakuru b'abanyamahanga batoranyijwe.

Uwufise ububasha kw’isanamu Reuters
Image caption Amafoto ya satelite y'ahitwa Punggye-ri mbere yuko imyobo yaho ituritswa.

Ariko nta mpuguke mu bisasu bya kirimbuzi zatumiwe.

Nyuma, Koreya y'Amajyepfo yavuze ko iyi ari intambwe ya mbere ikomeye yo guca ibisasu bya kirimbuzi.

Ibindi bisa n’ibi