Habaye imyigaragambyo i Paris yo kwamagana Prezida Kagame

Abari mu myiyagaragambyo barega Prezida Kagame gutegekesha igitugu
Image caption Abari mu myiyagaragambyo barega Prezida Kagame gutegekesha igitugu

I Paris mu Bufaransa habaye imyigaragambyo y'abatavuga rumwe na Prezida w'u Rwanda Paul Kagame, babona ko atari akwiye gutumirwa mu Bufaransa.

Abitabye iyo myigaragambyo bari bafite ibibaho n'ibindi byanditseho amagambo yamagana umukuru w'igihugu cy'u Rwanda bita umunyagitugu.

Bavuga ko u Bufaransa butari bukwiye gutumira umuntu bavuga ko atubaha demokrasi kandi ngo ntatange ubwisanzure mu gihugu.

Image caption Abigaragambya bumva Kagame atari akwiye gutumirwa mu Bufaransa

Bamwe muri bo kandi banibazaga ukuntu ubucamanza bw'Ubufaransa bwaba hari abayobozi b'u Rwanda bukeka kwica Abafaransa bari batwaye indege ya Habyarimana, ariko bwana Kagama akakirwa nk'umwami muri icyo gihugu.

Emmanuel Macron ashyigikiye Mushikiwabo

Ibyo bimeze gutyo mu gihe Ubufaransa bwo bubona ari ngombwa ko imigenderanire y'ibihugu byombi itezwa imbere.

Prezita w'Ubufaransa, Emmamuel Macron, yanavuze ko ashyigikiye ubukandinda bwa ministiri w'ububanyi n'amahanga w'u Rwanda, Louise Mushikiwabo, mu mwanya w'umukuru w'ishyirahamwe ry'ibihugu bikoresha ururimi rw'igifaransa.

Uwufise ububasha kw’isanamu Getty Images
Image caption Prezida Macron ashyigikiye ko Louise Mushikiwabo ayobora ishyirahamwe ry'ibihugu bivuga igifaransa

Prezida Paul Kagame ari mu rugendo mu Bufaransa, rukaba ari urwa mbere ahagize kuva mu 2011, bitewe n'uko umubano hagati y'ibihugu byombi wagiye uzamo ibitotsi, ahanini bifatiye kuri jenoside yo mu Rwanda muri 1994.

Ibindi bisa n’ibi