Imyigaragambyo mu Burusiya ku iyongerwa ry'imyaka y'ikiruhuko cy'izabukuru

Sergei Mitrokhin, umunyapolitiki utavuga rumwe na leta, yarafunzwe ubwo yigaragambyaga wenyine arwanya gahunda nshya y'ikiruhuko cy'izabukuru Uwufise ububasha kw’isanamu TASS via Getty Images
Image caption Sergei Mitrokhin, umunyapolitiki utavuga rumwe na leta, yarafunzwe ubwo yigaragambyaga wenyine arwanya gahunda nshya y'ikiruhuko cy'izabukuru

Imyigaragambyo iri kubera mu mijyi igera kuri 30 mu Burusiya, mu rwego rwo kugaragaza uburakari bwatewe n'ibitekerezo byo kongera imyaka abakozi bagira mu kiruhuko cy'izabukuru.

Ni gahunda yatangajwe ubwo imikino y'igikombe cy'isi cy'uyu mwaka yatangiraga.

Byitezwe ko izazamura buhorobuhoro igihe cyo kugira mu kiruhuko cy'izabukuru, kikava ku myaka 60 kikagera ku myaka 65 y'amavuko ku bagabo, no kuva ku myaka 55 kikagera kuri 63 y'amavuko ku bagore.

Leta y'Uburusiya ivuga ko hakenewe impinduka kugira ngo umubare ugenda uba muto w'abakozi ushobore kubeshaho abageze mu gihe cy'ikiruhuko cy'izabukuru bakomeje kwiyongera.

Putin: Uburusiya nta mugambi wo gucanishamwo abanya Buraya bufise

Uburusiya bwinjiye mu gikombe c'isi yose aribwo buhobahoba

Uburusiya bwagirizwa kuyovya abakora itohoza ku gitero c'ubumara

Ariko amashyirahamwe y'abakozi araburira ko abantu benshi bazarinda bapfa batarageza igihe cyo guhabwa ibyo bateganyirizwa bijyanye n'ikiruhuko cy'izabukuru.

Ishami ry'umuryango w'abibumbye ryita ku buzima rivuga ko abagabo bo mu Burusiya bafite icyizere cyo kubaho cy'imyaka 66 mu gihe abagore bo bafite icyizere cyo kubaho cy'imyaka 77.

Abantu babarirwa mu bihumbi 3 bitabiriye imyigaragambyo yabereye mu mujyi wa Omsk wo mu gice cya Siberia. Kandi indi myigaragambyo itaritabiriwe cyane yanabereye mu bindi bice by'igihugu.

Bimwe mu byapa by'abigaragambya byanditseho amagambo agira ati: "Ikiruhuko cy'izabukuru ni icy'abantu bakiriho, si icy'abantu baba barapfuye."

Ariko iyi myigaragambyo irabujijwe mu mijyi iri kuberamo imikino y'igikombe cy'isi.

Ubushakashatsi bumwe bwakozwe ku cyo Abarusiya batekereza kuri iyo gahunda ijyanye n'ikiruhuko cy'izabukuru, bwasanze 80% by'Abarusiya batayishyigikiye.

Naho ikinyamakuru cyo mu murwa mukuru Moscow gisomwa cyane, Moskovski Komsomolets, cyanditse ko aya ari amavugurura "mabi cyane kurusha ayandi kandi y'ubwihanduzacumu yabayeho mu gihe cy'imyaka 20 Perezida [Vladimir] amaze ku butegetsi".

Nkuko ikigo cya leta cya VTsIOM gikora ubushakashatsi ku byo abantu batekereza kibivuga, uko Abarusiya bakunze Perezida wabo kwagabanutse ku gipimo cya 14%, kuva kuri 78% kugera kuri 64% ubwo iyo gahunda ijyanye no kongera imyaka y'ikiruhuko cy'izabukuru yatangazwaga mu byumweru bitageze kuri bibiri bishize.

Ibindi bisa n’ibi